По информацијата за убиството во Халкидики, Грција, Амбасадата на Македонија во Атина стапила во контакт со надлежните институции, односно полицијата во Солун, и од таму е добиена потврда дека во Сани Вилас, Ханиоти, двајца маскирани лица отвориле оган врз двајца државјани на Македонија, соопшти МНР.
Двајцата биле однесени во општата болница на Халкидики, каде едниот им подлегнал на повредите, додека другиот поради тежината на повредите е транспортиран во друга болница, во Полигирос.
Според информациите на Aмбасадатa, како што додава Министерството, на местото на настанот моментално се наоѓаат повеќе тимови на грчката полиција и работат на расчистување на околностите на настанот.
ПОВРЗАНИ ВЕСТИ
Познат идентитетот на бизнисменот од Скопје кој е убиен во Ханиоти и на неговиот ранет пријател
Во Ханиоти со над 20 куршуми убиен бизнисмен од Македонија, друг македонски државјанин е ранет