Министерот за надворешни работи Бујар Османи оваа недела оствари комуникација со министерката за надворешни работи на Република Бугарија, Екатерина Захариева каде беше договорено претстојните денови да се разменат предлози од двете страни за Акцискиот план, соопшти Министерството за надворешни работи (МНР).
Како што наведуваат во соопштението улогата на специјалниот претставник Владо Бучковски е редовно да патува за Бугарија со цел следење на Акциониот план и поттикнување на соработката на линиските министерства.
-Во оваа насока очекувано е во наредниот период да оствари чести патувања на релација Скопје – Софија, додаваат од Министерството за надворешни работи.
Реакцијата на МНР следи откако претходно бугарскиот вицепремиер и министер за одбрана, Красимир Каракачанов за бугарските медиуми информираше дека следната недела ќе има средба со Бучковски и дека бугарската позиција не е сменета.
ПОВРЗАНИ ВЕСТИ
Фото: Фејсбук/Захариева