Министерството за образование и наука (МОН) информира дека заклучно со 12 часот денеска, вкупно има 42 активни случаи на Ковид-19 кај учениците и 65 кај наставници.
Од нив, 29 ученици се од основно образование, а 13 од средно, додека 47 наставници се од основно, а 18 од средно образование.
Во однос на основните училишта, МОН наведува дека од активните случаи – седум од учениците и пет од наставниците имале настава со физичко присуство во училиштата и известува дека во сите случаи се почитувани препораките од центрите за јавно здравје и е постапувано согласно алгоритмите.
Од активните случаи во средно образование, ниту еден од учениците и наставниците не учестувале во настава со физичко присуство и согласно тоа немале контакт со остатокот од учениците или наставниот кадар.
„Учениците кои следеа настава со физичко присуство, а сега се во изолација поради Ковид-19, учењето го продолжуваат од далечина, со што има континуитет во образовниот процес. Од целокупното одговорно однесување ќе зависи и продолжувањето на наставата со физичко присуство во училиштата.
Затоа, МОН апелира до наставниците и учениците доследно да ги почитуваат мерките за заштита од Ковид-19 и одговорно да се однесуваат и надвор од работните места и од училиштата со што ќе го спречат ширењето на болеста. Протоколите за заштита од заразата докажано функционираат, ако сите се придржуваме на пропишаните мерки за заштита“, соопшти МОН.
Оттаму информираат и дека успешно се спроведува наставата од далечина и околу 87 проценти од учениците ги следат часовите онлајн без никакви потешкоти.
За останатиот дел кои немаат уреди, или интернет-конекција потсетува дека часовите се емитуваат на Македонската радио-телевизија, а наставниците имаат обврска да им доставуваат печатени материјали и да бидат во постојана комуникација со учениците за да го следат нивниот напредок во совладувањето на наставниот материјал.
Министерството за образование и наука во соопштението наведува и дека е во постојана комуникација со директорите на училиштата и локалните самоуправи и тековно се работи на обезбедување услови за непречено функционирање на онлајн-наставата.
ПОВРЗАНИ ВЕСТИ
Нови 80 случаи со Ковид-19 од 680 тестирања, најмногу во Скопје 54
Починаа уште тројца пациенти од Ковид-19, вкупната бројка достигна 800
Се е под контрола со Ковид-19 во Македонија, не изолираа како глувци