Најчитани на еМагазин за 2021: Се што треба да знаете за кинеската вакцина Синовак

Вчера во Македонија пристигна досега најголемата пратка на вакцини против Ковид-19. Станува збор за 500 илјади дози на кинеската вакцина „Синовак“.

Колку е ефикасна?

Според податоци на Светската здравствена организација (СЗО), големо истражување во фаза 3 во Бразил покажало дека две дози од оваа вакцина, администрирани во интервал од 14 дена, имаат ефикасност од 51% против симптоматска инфекција со САРС-КoВ-2, 14 дена по приемот на втората доза.

Дали спречува инфекција и пренесување?

Во моментов нема достапни суштински податоци во врска со влијанието на вакцината за преносот на САРС-КоВ-2 вирусот што предизвикува Ковид-19 болест.

Каде се употребува?

„Синовак“ е лесна за чување и како таква е лесно достапна.

Треба да се напомене дека вакцината покажала ефикасност меѓу 50 и 90% во различни студии и во моментов е одобрена за употреба во Кина, Индонезија, Бразил и Турција.

Се препорачува и за бремени жени и доилки

Од оваа вакцина се потребни две дози, од кои втората се прима од 14-28 дена по првото вакцинирање.

Се препорачува и за употреба кај бремени жени, кога придобивките од вакцината се поголеми од потенцијалните реизици, исто како и кај доилки и други возрасни лица.

Се препорачува за сите возрасни групи, а е одобрена од СЗО.

Се дава мускулно во рамо.

ПОВРЗАНИ ВЕСТИ

Најчитани на еМагазин во 2021: Хронично болните и невакцинираните да не одат на свадби и веселби на затворено, голем е ризикот да заболат, советува Пановски

Најчитани на еМагазин во 2021: По прележан Ковид-19, количината на антитела не е битна и не треба да се проверуваат за да се види „колкав ми е имунитетот“, вели Пановски

Најчитани на еМагазин за 2021: Кинеските вакцини не создаваат клеточен имунитет, нивната заштита многу брзо бледее, вели проф.Трајковски

Фото: МЗ