еМагазин
Image default
Да помогнеме

На две сестри сирачки им требаат фустани за полуматура и матура

Фондацијата „Стопли срце“ собира помош за две сестри сирачки кои се полуматурантка и матурантка, односно фустани за достојно да си ја прослават матурата.

„Другарки и другари, повторно ни е потребна вашата помош!!! Се сеќавате на децата за кои собравме пари за погребот на нивниот татко? Се сеќавате на мајката што ги лажеше своите деца дека е јадена, само за да има повеќе храна за нив? Се сеќавате на мајката со четири деца што седеа без храна неколку дена? Самохраната мајка со нарушено психичко здравје за чие дете сите помогнавме?

Сите овие деца кои ги чуваме со ваша помош, оваа година ќе бидат матуранти и полуматуранти. За жал нивните родители не се во состојба да им обезбедат ниту финансиски средства за прослава, ниту да им овозможат гардероба за полу-матрурската вечер. Две сестрички се сираци, едната е полуматурантка, другата матурантка. Овие деца не се ни радуваат за денот на прославата, бидејќи се свесни во какви услови живеат. Напротив, се ПЛАШАТ и се СРАМАТ од овој ден, бидејќи знаат дека немаат услови да присуствуваат на истиот.

Затоа упатуваме АПЕЛ до сите Вас да се приклучиле кон оваа акција!!! Да обезбедиме финансиски средства за прославите, да им обезбедиме по некој денар на децава, да ги облечеме, дотераме, и да ги испратиме да се забавуваат со гордо исправени глави.

Воедно, ги повикуваме сите општествено одговорни компании да се приклучат кон оваа акција. Бутици, модни креатори, салони за убавина, пријавете се!!! Сите по едно дете да средиме и дотераме, заедно!!! Ниедно дете не заслужува да биде тажно и да седи дома за денот на својата полуматура. Ајде сите заедно да бидеме родители на овие деца!!! Нека има насмевки и радост, наместо солзи и тага!“ се вели во апелот.

БИДИ РОДИТЕЛ-ДОНИРАЈ

За корисниците на Телеком: 143444

Стопли Срце / Ngrohë zemër/ Warm A Heart

Здружение на граѓани “Стопли Срце”

Сметка за донации: 270072685480143
IBAN: MK07270722000030435
HALKBANK

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нови играчки за безброј насмевки на Детската Клиника за oнкологија

Редакција

Хуманитарен базар во училиштето „Нова“ за помош на Дневниот центар за деца на улица

Редакција

(Фото) Доволно мака за „тетката со кибритчињата“: Да помогнеме, да и олесниме

Редакција