На Кораб се поставува зимска маркација, што е ново поглавје во приказната High Scardus Trail, што претставува транснационален планински туристички производ кој ги поврзува планинските масиви во пограничните области на Албанија, Македонија и Косово.
Од бачилото, кое се наоѓа на подножјето, до под врвот се поставуваат 300 столбови на не повеќе од 50 метри растојание.
„Столбовите се обоени во жолта и црна боја, бидејќи зимно време прават контраст во однос на снегот. Овие столбови се предупредување за лавинска опасност, а во горниот дел се обоени со црвено-бела и црвена боја што се и патоказ за планинарите, бидејќи ја следат и летната маркација на патеката.
Ќе биде изработена и мобилна апликација, секој столб ќе биде нумериран со број и кју ар код. Кога ќе се скенира кју ар кодот, мобилната апликација автоматски кажува каде сте и кажува на пример дека до следен столб има агол од 30 степени на на пример 20 метри.
Столбовите во горниот дел од патеката ќе бидат погусто поставени, бидејќи во долниот дел, ориентација е патот,“ вели менаџерот на проектот, Костантин Циривири за „еМагазин“.
Столбовите до највисоките делови се транспортираат со коњи, до баџилото има пристап со возило, но патот за возење е предизвик. Но, тежината на организацијата станува лесна кога ја работат вистинските луѓе, и кога се работи за безбедност на планина.
Проектот е финансиран од ГИЗ Северна Македонија.
ПОВРЗАНИ ВЕСТИ
(Галерија) Во Ростуше се гради авантуристички парк за деца и возрасни