Во текот на 2022 година Прилепска Пиварница АД Прилеп има вршено исплата на примања на членовите на Управниот одбор и на членовите на Надзорниот одбор кои ја извршувале функцијата и тоа по основ на исплатена плата и надоместоци од плата во бруто вредности со пресметани и платени законски утврдените даноци и придонеси во целост на лица кои имаат статус на вработени лица, стои во годишниот извештај на компанијата објавен на Македонската берза..
-Така, вкупно како примања на членовите на Управен одбор и членовите на Надзорен одбор во текот на 2022 година исплатен е бруто износ од 25.724.686 денари, велат од компанијата.
Надзорниот одбор од 29.05.2019 година го сочинуваат тројца членови: Александар Чатлески, Методија Самарџиоски и Александар Димитријески.
Независен член на Надзорниот одбор е Александар Димитријески.
Управниот одбор на Прилепска пиварница го сочинуваат седум членови: Сашко Самарџиоски, генерален директор и претседател на Управниот одбор, Панде Самарџиоска, заменик генерален директор, Коста Мијоски, Димитар Тодороски, Јане Ангелески, Владимир Блажески и Катерина Митреска.
ПОВРЗАНИ ВЕСТИ
На менаџерскиот тим на Пекабеско лани исплатени 105 милиони денари за плата и надоместоци