еМагазин
Image default
ЖИВОТ ТОП СТОРИИ

На новогодишниот концерт учениците и публиката измрзнаа во Домот на културата во Штип, Симон Трпчески упати критики

ДМУЦ „Сергеј Михајлов“ – Штип го одржа традиционалниот новогодишен концерт во Домот на културата „Ацо Шопов“.

Концертот под диригентска палка на Тоше Митрев, Славица Деспотова и Ленче Богданова Атанасова помина во одлична атмосфера, а заедно со учениците од нижото и средното музичко училиште, настапи и нашиот, а светски пијанист, Симон Трпчевски.

Преполната сала сведочеше за квалитетот на училиштата кој се проткајува низ годините и талентите кои таму се негуваат.

Публиката и уметниците од една страна уживаа, но од друга страна се мрзнеа. Домот на културата, кој е во надлежност на Министерство за култура, пет години е со блокирана сметка, а салата нема греење. Општина Штип бара, оваа сала да и се врати под нејзина надлежност.

Пијанистот Трпчевски упати критики кон надлежните за условите во кои уметниците настапуваат. Тој додаде дека државата не смее да штеди на културата и образованието, бидејќи уметниците се најдобрите амбасадори во светот.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Пријавени вкупно 75 случаи со симптоми на мали сипаници: Најмногу има во Аеродром

Редакција

“Нема рекет, нема мир“: Твитер реакции за „Рекет“, Јанева, Камчев, Боки 13…

Редакција

Владата на набавка на авиобилети ќе потроши 325.000 евра

Никола Осило