Жената која се обиде да ја нападне со тврд предмет пејачката Елена Ристеска во скопско кафуле ќе добие забрана да и се приближува и да воспостави контакт со нејзе.
Триесет и осумгодишната жена заработи и кривична пријава од МВР за насилство, а постапка за нејзе поведе и Основното јавно обвинителство (ОЈО).
ПОВРЗАНИ ВЕСТИ
Уапсена жената која се обиде да ја нападне пејачката Елена Ристеска
-Осомничената 38-годишна скопјанка, на 23 октомври во угостителски објект во Скопје, извршила грубо насилство кон една оштетена, физички напаѓајќи ја со тврд предмет и нанесувајќи и повреда на главата.
Притоа упатила и вербални закани кон оштетената и кон други присутни лица, со што предизвикала чувство на несигурност, загрозување и страв.
Ценејќи ги сите околности, пред се можноста за повторување на агресивното и насилното однесување, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка на претпазливост – забрана за осомничената да се приближува или да воспоставува контакти со оштетената, информираа од ОЈО.
ПОВРЗАНИ ВЕСТИ
Жена се обидела со тврд предмет да ја нападне пејачката Елена Ристеска
Фото: Ристеска/Фејсбук