Туристичката агенција „Нехар турс“ ги откажа планираните патувања за Италија за 8-ми Март.
„Поради ширењето на корона (COVID-19) вирусот во Италија ги откажуваме турите за 8-ми Март во Италија. Безбедноста и здравјето ни се на прво место. Пријавените можат да се префрлат на друга тура или средствата во целост ќе бидат вратени,“ напишаа од „Нехар турс“ на нивниот твитер-профил.
„Нехар турс“ на нивната веб-страница имаат повеќе понуди за патување низ Италија, и за сите нив беше најавена сигурна реализација.
Добро е оваа одлука да ја донесат и другите туристички агенции, имајќи предвид дека голем дел од граѓаните не сакаат да се откажат од патувањето во Италија.
Владата денеска препорача да се одложат екскурзиите и патувањата во оваа држава.
ПОВРЗАНИ ВЕСТИ
Како да се заштитите од корона вирусот: АПЕЛ за целосно почитување на превентивните мерки
Фото: cinqueterre.eu.com