Во изминатото деноноќие потврдени се 53 нови случаи позитивни на Ковид- 19, со што вкупната бројка на дијагностицирани изнесува 483 лица.
На Клиниката за инфективни болести и фебрилни состојби во Скопје починаа двајца пациенти заболени од коронавирус и тоа 71-годишна жена од струшкото село Лабуништа (Струга) и 77-годишен маж од Куманово кои беа хоспитализирани во исклучително тешка состојба, информираат од Министерството за здравство.
Институтот за јавно здравје информира за уште два смртни случаја, жител на Велес кој почина пред неколку дена, а неговиот позитивен резултат е докажан постмортем и странски државјанин кој живеел во Скопје четири месеци.
Од Министерството потсетуваат и дека пациентот од Куманово, кој почина на 2 април на Инфективната клиника, а чиј позитивен резултат на Ковид – 19 беше потврден вчера попладне, како случај на позитивен и починат пациент, во статистиката на Институтот за јавно здравје ќе биде, исто така, евидентиран во денешниот извештај.
Со ова, во денешната статистика се евидентирани пет починати лица од Ковид-19.
ПОВРЗАНИ ВЕСТИ
Откако имале контакт со заразена пациентка: Во самоизолација 14 медицински лица во Штип
Вработена во Поликлиниката Чаир позитивна на корона вирусoт, извршена дезинфекција на објектот
Во Скопје 208 лица заболени со коронавирусот, како изгледа мапата по скопските општини
Позитивни на корона вирусот инфектолог во Прилеп и вработен во фабриката „Гентерм“