На заедничкиот кандидат на СДСМ и ДУИ, Стево Пендаровски ова му е втора кандидатура за претседател. Тој на изборите во 2014 година се бореше за претседателската фотеља со Ѓорѓе Иванов.
Тогаш, Иванов освои 534.910 гласа, а Пендаровски 398.077 гласови. Сепак, треба да се земе предвид дека годинава противкандидати на Пендаровски се неговите колеги професорката Гордана Силјановска-Давкова, која е поддржана од ВМРО-ДПМНЕ и професорот Блерим Река, кој е поддржан од Беса и Алијансата на Албанците.
Уште повеќе, мора да се има предвид дека на претходните избори, кога победи Иванов власта беше во рацете на ВМРО-ДПМНЕ и ДУИ.
Денес, работите се сменети – односно на власт се СДСМ и ДУИ, кои го спроведоа процесот на преименување на државата, па сега останува да се види дали ВМРО-ДПМНЕ како опозиција со Гордана Силјановска-Давкова ќе успее да освои најголем број гласови.
ПОВРЗАНИ ВЕСТИ
Твитерџиите му направија „крвна слика„ на Пендаровски, кандидатот на СДСМ и ДУИ за претседател
Има само југо: Каков имот пријавил Пендаровски, заедничкиот кандидат за претседател на СДСМ и ДУИ
Силјановска, Пендаровски, Река: Професорка трка на изборите за претседател
Фото: Кабинет на претседателот