Во интервју за телевизијата Телма, директорот на Институтот за имуно-биологија, доктор Александар Петличковски, меѓудругото вели дека шест месеци по вакцинација е можно инфицирање со Ковид-19, многу повеќе отколку по месец или два.
“По шест месеци од вакцинација е можно инфицирање и тоа е повеќе можно, одошто месец по вакцинација или два месеца.
Од таа причина доаѓаат овие иницијативи, тактики за воведување на трета доза која некои земји ја упатуваат на имунодефицитните луѓе, други земји кај повозрасни ја планираат, некои земји пак планираат вакцини за сите.
Мислам дека после шест или после осум месеци треба да се размислува и за трета доза, дека таа ќе го засили имунитетот за нови шест месеци“, вели Петличковски за Телма.
ПОВРЗАНИ ВЕСТИ
Доктор Петличковски: Вакцинацијата со една доза е доволна само кај тие што ја прележале болеста
Доктор Петличковски: Да се чека за вакцина од 1 до 6 месеци по прележан Ковид-19
Фото: МЗ