еМагазин
Свет ТОП СТОРИИ

Путин им врати на лидерите на Г7: Би било одвратна глетка, ако тие ја соблечат облеката

Доколку лидерите на Г7 би ја соблекле облеката на неодамнешниот самит во Германија, тоа би било „одвратна глетка“, смета рускиот претседател Владимир Путин.

Лидерите на Г7 додека позираа за заедничка фотографија, се пошегуваа околу склоноста на Путин кон фотографии без маица.

– Не знам како планирале да се соблечат, над или под струкот, додаде Путин пред новинарите при својата посета на Туркменистан, но, според него, „во секој случај тоа би било одвратна глетка“.

Путин потоа ги советуваше лидерите на Г7 дека потребно е вежбање и помалку пиење за постигнување хармонија меѓу телото и душата, јави руската новинска агенција Тасс.

Британскиот премиер Борис Џонсон во неделата, додека седеше заедно со своите колеги, лидери од Г7, праша дали треба на фотографијата да биде со јакна.

– Мораме да покажеме дека сме поцврсти од Путин, додаде Џонсон.

Премиерот на Канада, Џастин Трудо тогаш се пошегува дека за тоа би било потребно „да јаваат коњи голи до струкот“, мислејќи на честите пози на Путин за „мачо“ фотографии, како кога јава коњ без маица.

ПОВРЗАНИ ВЕСТИ

(Видео) Лидерите на Г7 се потсмеваа со Путин: „Да се соблечеме и да јаваме коњи„

МИА/Фото: РТ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Мукаетов – панелист на конференцијата „Чувари на мудроста“ во организација на „Халк банка“

Редакција

(Видео) Паричката во фамилијата на Мицкоски кај мајка му

Редакција

Одлагањето на преговорите негативно влијае врз Македонија: МИА објави дел од извештајот на ЕУ за реформскиот напредок на земјава

Редакција