Се огласија од „Беса транс“: Компанијата во целост соработува со надлежните институции

„Беса транс“, чијшто автобус ноќеска имаше сообраќајна несреќа во Бугарија во која загинаа 46 лица, преку објава на нивниот Фејсбук-профил, изрази сочувство за изгубените животи.

За секакви информаци, како што посочуваат на објавата, во врска со случајот на располагање стои телефонскиот број 075 273 732.

– Денеска е многу тажен и тежок ден за нас како компанија, изразуваме сочуство до семејствата и роднините на починатите, се молиме за брзо оздравување на преживеаните.

Компанијата во целост соработува со надлежните институции со Република Cеверна Македонија и Република Бугарија се со цел да се утврдат причините за оваа страшна трагедија!

Се извинуваме на сите што не сме во можност да одговориме на бараните информации, бидејќи сме во голем шок, велат во објавата од „Беса транс“.

ПОВРЗАНИ ВЕСТИ

Против „Беса Транс“ годинава четири кривични пријави за непочитување на ковид протоколите

„Беса Транс“ имала важечка лиценца за превоз, седиште и е во Ќустендил, а на адресата се регистрирани уште 23 фирми

Aвтобусот се движел со над 100 километри на час и нема ниту еден милиметар знаци на кочење – несреќата е резултат на човечка грешка, вели секретарот за безбедност на Перник

Фото: Фејсбук/Беса транс