Семејството на скопјанецот кај кого посмртно беше утврден корона вирусот, не сакало да соработува со епидемиолозите

Семејството на починатиот скопјанец, за кој посмртно беше добиен позитивен резултат на Ковид-19, одбивале да соработуваат со епидемиолозите за да извршат епидемиолошка анкета, информираше на денешната прес-конференција министерот за здравство, Венко Филипче.

„Многу тешко се пристапи до семејството, како за организација на чинот на погребот, откако се доби резултат на починатиот дека е позитивен на Ковид-19, па сѐ до давањето на контактите на тие луѓе кои биле присутни на самиот чин на погребот,“ рече Филипче.

Станува збор за 53-годишниот пациент на кој вчера во Ре-Медика посмртно му бил утврден корона вирусот, а погребот се извршил без да се почитуваат протоколите за починати од оваа болест.

Вработените во болницата и семејството ќе бидат тестирани.

ПОВРЗАНИ ВЕСТИ

Во Чаир 54, во Сарај 39, во Гази Баба 34: Во кои скопски општини има најмногу активни случаи на Ковид-19

Ако во Сарај, Чаир, Гази Баба и Аеродром не се почитуваат мерките, општините ќе одат во карантин

Филипче: Ако знаевме дека ќе има забави без да се почитуваат мерките, немаше да ги отвориме угостителски објекти

Нови 52 случаи на заразени со корона вирусот, 26 се од Скопје

Фото: Кабинет на претседателот