Шест лица од Дебар и еден странец во моментов се тестираат за коронавирусот, објави на Фејсбук министерот за здравство Венко Филипче.
„Во моментов на коронавирусот се тестираат 6 лица од Дебар. Од нив, четворица кои имале контакт со заболените од Дебар. Еден доктор епидемиолог и еден лабораториски техничар исто така од Дебар кои се без симптоми на корона вирус, но за кои е важно да направиме проверка на нивната здравствена состојба“, наведува министерот Филипче.
На коронавирусот се тестира и странец преку Центарот за јавно здравје во Битола. Резултатите ќе бидат готови за неколку часа, по што јавноста ќе биде информирана.
ПОВРЗАНИ ВЕСТИ
Пендаровски одлучи Армијата да биде ангажирана во Дебар и Центар Жупа
Нема влез и излез: Прогласена кризна состојба во Дебар и Центар Жупа поради корона вирусот