Откако Владата одлучи да се отворат кината, театрите и другите институции од културата, „Синеплекс“ најави дека денеска ќе ги отвори кино салите.
На веб-сајтот на „Синеплекс“ се објавени новите мерки и правила за гледање филм во нивните кино сали.
Што прави Синеплекс:
– Распоредот на седење во салите е изменет и подразбира задолжителна дистанца од 1,5 метри односно преку 2 седишта.
– Внимателно го планираме почетокот на секој филм за да обезбедиме минимален контакт меѓу посетителите во фоаје.
– Спроведуваме зачестена дезинфекција на просторот.
– Нашите вработени задолжително носат заштитни маски.
– Обезбедивме диспензер за дезинфекција на влезот во киното како и пред влезовите кон салите.
– Спроведовме обука на вработените.
– Обележавме место во редот за чекање за да се одржи физичката дистанца од 1,5 метри.
Што може да направат посетителите:
– Плаќајте бесконтактно на благајните во кино.
– Регистрација при купување билети.
– Носете свои заштитни маски во фоаје, тоалети и при гледање филм.
– Придржувајте се кон дистанцата од 1,5 метри.
– Одржувајте хигиена и користете ги средствата за дезинфекција.
– Ве молиме останете дома доколку не се чувствувате добро.
ПОВРЗАНИ ВЕСТИ
Театрите, кината, операта и балетот ќе работат според Протоколот за организирање настани
Фото: Скопје сити мол