еМагазин
Image default
Македонија

Собранието нема да номинира свои луѓе да ја следат работата на изборните органи на референдумот

Собранието како овластен предлагач на референдумот, нема да определи свои претставници да ја следат работата на изборните органи на референдумот, иако има право на тоа.

За оваа своја одлука, како што било договорено на денешната координативна средба, претседателот на Собранието Талат Џафери со допис го извести претседателот на Државната изборна комисија Оливер Дерковски.

Во дописот, како што објави МИА, се наведува дека парламентарното Координативно тело за референдумот утврдило дека не постои соодветен систем на селекција на потребниот број претставници притоа имајќи предвид дека веќе има акредитирано голем број меѓународни и домашни набљудувачи. Воедно Координативното тело смета дека изборните органи (80-те општински изборни комисии и избирачките одбори во РМ и странство) професионално ќе ги исполнат своите надлежности во врска со претстојниот референдум, со оглед на тоа што изборните органи се составени од лица вработени во администрацијата, а Собранието на Република Македонија има целосна доверба во нив.

По референдумот на 30 септември, првата пленарна седница Собранието би можело да се очекува да ја има во средината на октомври, додека комисиски седници ќе има во деновите пред одржувањето на седницата.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Зачестени процеси во пресрет на референдумот: На суд Јанкулоска, Мијалков, Јанакиески, Латас

Никола Осило

Никола Груевски и Курто Дудуш го преземаа приматот во собраниската дебата за изборот на нови министри

Никола Осило

Македонија заробена во ад-хок договори: Охридски, Пржински, Преспански…

Никола Осило