еМагазин
Image default
ЖИВОТ ТОП СТОРИИ

„Имаше детонации од боци, ми пукна под колено“: Сведоштво на пожарникар кој беше повреден при гаснење на пожарот во Тетово

Игор Симовски е еден од двајцата повредени пожарникари од Тетовската територијална противпожарна единица при гаснењето на пожарот во модуларната болница во средата, кој на средба со новинарите раскажа и за предизвиците со кои се соочиле тој и неговите колеги.

При интервенцијата му се повредени двете потколеници од нозете.

-Електричната енергија не беше исклучена, кислородот не беше исклучен и не можеше да се влезе, се гасеше под голем ризик. Можеше да настрада и некој пожарникар од струен удар, имаше детонации од боци, мене ми пукна боца под колено.

Фала му на Господ со опрема стара 20 години ме спаси, кај нозете. Ме однесоа до хирургија, примив помош и инфузија.

Сега сум добро. Еден колега при пад има истегнување на лигамент. Морам да ја потенцирам големата храброст на колегите што беа на работа, бидејќи знаеја какви услови и каква опасност има внатре.

Иако сите знаеја дека струјата не е исклучена – уште кога дојдовме почнаа да пукаат жиците, пукаше и саатот, продолжија со работа да се изгасне огнот, изјави Симовски.

Тој објасни дека пожарникарите се соочиле со висока температура на огнот поради присуство на кислородот.

-Кислородот влијае многу, најмногу и пет пати ја зголемува температурата. Возилата беа на оддалеченост на метар, метар и половина од објектот и беа стопени. Ако била колата стопена, тогаш пожарникарот ако пробал да влезе додека има оган за да се обиде некого да спаси, заштитната опрема може да му помогне само 30 секунди, а после ќе изгори.

Прво требаше да се изгаси огнот, па да се влезе. Се ова е сторено кога беше изгаснат огнот. Температурата беше огромна, возила беа стопени што беа надвор, а замислете како беше внатре, ја долови тој состојбата од средата навечер.

Според негови проценки, првото возило стигнало на местото за четири минути, но објектот веќе бил целиот во оган.

-Само што го примивме повикот, ПП возило за четири минути дојде. Кога стигна првото возило целата болница од почеток до крај беше во пламен. Немаше шанса да се влезе внатре во просториите затоа што имаше голема температура.

Колегите што бевме на смена и што беа повикани од дома, се трудеа да го изгаснат огнот за да можеме да влеземе барем тие што може да се спасат.

Криво ми е што не можевме внатре да влеземе и да ги спасиме луѓето. Првите тела се извадени од предната страна кај што можело, најверојатно мртви зашто нема никој жив извадено откако дојдовме ние.

На почетокот, кога почнал пожарот тие што веднаш излегле се спасиле. Тие што останале внатре не. Пожарот кога почнал се раширил за една до две минути и го фатил целиот објектот, раскажа Симовски.

Огнот, посочи, целосно беше изгаснат за еден час.

ПОВРЗАНИ ВЕСТИ

“Имавме време колку да излеземе преку прозорецот“: Сведоштво на жена која со сопругот се спасила од пожарот во ковид-центарот во Тетово

Сведоштво на девојка чиј татко се спаси од ковид-центарот во Тетово: „Пожарот изби многу бргу, моите, а и многу други избегаа низ прозорец“

(ВИДЕО) 38-годишен тетовчанец, татко на две деца се излечил од Ковид-19, но не го преживеа пожарот во ковид-центарот

МИА/Фото: МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Поранешен обвинител украл од државниот буџет 450 илјади евра, осомничени и екс министер, државен правобранител и нотар

Редакција

Бројот на починати од Ковид-19 во Македонија се намалил за 35,1%

Редакција

Од Ковид-19 почина саксафонист Атанасовски, сопругата и брат му велат дека си замина поради “системската корона која владее во проклетијава“

Редакција