Транскоп АД Битола во првото полугодие од годинава оствари добивка од редовното работење во износ од 8.194 илјади денари искажани во неревидираниот Биланс на успех, информираат од Друштвото преку Македонската берза.
-Остварените вкупни приходи од работењето изнесуваат 57.570 илјади денари и во споредба со остварените вкупни приходи во истиот период од 2022 година бележат пораст од 38.94%.
Оперативните приходи во износ од 57.570 илјади денари учествуваат со 100% во вкупниот приход и бележат пораст од 45.95%, а од оперативните приходи најголемо учество имаат приходите остварени од основните дејности на Друштвото во износ 56.904 илјади денари.
Финансиските приходи учествуваат со 0% во вкупните приходи и истите бележат пад во однос на претходната година.
Вкупните расходи во износ од 49.376 илјади денари бележат пораст од 23.75% во однос на вкупните расходи во 2022 година.
Оперативните расходи во износ од 48.476 илјади денари бележат пораст од 22.84 % во однос на 2022 година.
Најголемо учество во оперативните расходи имаат трошоците за суровини и материјали (дизел гориво и резервни делови) во износ од 17.065 илјади денари, кои бележат пораст од 5.97% во однос на 2022 година“, велат од таму.
ПОВРЗАНИ ВЕСТИ
Битолски Транскоп лани со добивка и зголемени приходи