Зоолошка градина Скопје повторно ќе биде отворена од вторник (26.05.2020), соопштија оттаму преку нивниот Фејсбук-профил.
„Ве очекуваме на повторна дружба и прошетка, но овојпат поради ситуацијата, со нов протокол за движење и придржување кон мерките:
-Носење маска/марама при влез во ЗОО Скопје.
-Чекаме ред на дистанца од 1,5 м уредно обележано.
-Строго е забрането хранење и доближување до животните.
-Отпадоците да се фрлаат во корпите.
-Не смее да се употребуваат летниковците и детските игралишта.
-Низ зоолошката градина, држете дистанца од другите посетители.
-Бројот на посетители ќе биде ограничен, за да во одреден момент не се создава поголема гужва низ градината.
-Јавното здравје е пред се и затоа сите заедно да се придржуваме кон мерките.
Се гледаме во вторник од 09:00“, велат од Скопје ЗОО.
ПОВРЗАНИ ВЕСТИ
(Видео) Еден „куп“ нови бебиња во Зоолошката градина: Се родија кенгурче, пони, мини-прасиња…
Фото: Фејсбук/Скопје ЗОО