Хрватскиот бизнисмен Ивица Тодориќ, кој со години според Форбс беше најбогатиот во регионов, синоќа ѝ беше предаден на Хрватска, пренесуваат хрватските медиуми.
По слетувањето на загребскиот аеродром „Фрањо Туѓман“, поранешниот прв човек на Агрокор, директно од авионот беше одведен во полициско комби со кое беше превезен во затворот Реметинец.
Тодориќ се врати во Хрватска по една година откако по потерница беше уапсен во Лондон.
Истрагата против Тодориќ, неговите синови Иван и Анте и дванаесет менаџери и ревизори на Агрокор почна минатата година поради незаконско стекнување на околу 150 милиони евра, при што истражен затвор беше одреден само за Тодориќ.
Фото: Пиксел/Видео: Al Jazeera Balkans
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.