И синоќа граѓаните ширум Србија излегоа на протести поради начинот на кој српската Влада се справува со кризата со Ковид-19 и поради општото незадоволство од работењето на власта, но овој пат протестите беа мирни.
#novisad građani su seli na Trg slobode i skandiraju pic.twitter.com/5VjSc8K5z5
— Gorica Nikolin (@fruska_gorica) July 9, 2020
Се протестираше во Белград, Нови Сад, Ниш…, а демонстрантите седеа по улиците, за да го спречат инфилтрирањето на провокатори, кои смислено сакаат да ги прикажат протестите како насилни, па претходните денови се судрија со полицијата.
Вчера се протестираше и во Грција, поради изгласување на контраверзен закон, со кој се ограничуваат јавните демонстрации.
Athens, Greece. They are demonstrating on the topic of a new law restricting street protests. #Anonymous #Athens #Greece #GreeceGovernment #protest2020 #protests #protest #2020protestspic.twitter.com/fv843FvcbO
— Anon Research (@YourAnonDiv) July 10, 2020
Грчката полиција во Атина употреби солзавец за да ги растера демонстрантите кои се собраа пред парламентот за да го изразат своето незадоволство.
Агенцијата АП пренесе дека освен во Атина, протести имало и во 40 други грчки градови, а на нив учествуваа околу 10.000 лица.
Вчера се протестираше и во Софија, откако беа приведени секретарот на шефот на државата, Пламен Узунов и Илија Милушев, советник за безбедност и одбрана, а на истиот присуствуваше и бугарскиот претседател Румен Радев.
Фото/видео: Твитер/Savvas Karmaniolas/Горица Николин/NOVA S/Маја Вукас