Еден од од најголемите македонски визионери, организатор и предводник на македонското национално ослободително движење Гоце Делчев пред 118 години на 4 мај 1903 година беше убиен во селото Баница.
По смртта, на иницијатива на началникот на серскиот гарнизон Тефиков, била дадена наредба неговото тело да се однесе во серската општина и таму да се погребе.
Но, и од Солун била испратена заповед телото да се врати во селото Баница и Гоце Делчев таму да биде погребан.
Три години подоцна, моштите на Гоце се ископани од страна на неговиот соборец Михаил Чаков и ставени во олтарот на црквата во селото Баница, а во 1917 година тој самоиницијативно ги пренел во Софија.
Подоцна, ставени во специјален дрвен резбан саркофаг, на кој била испишана пораката: „Го заколнуваме поколението, овие свети коски да се однесат во престолнината на слободна и независна Македонија“, ги презела Илинденската организација.
ПОВРЗАНИ ВЕСТИ
Русија нема дилема: Гоце Делчев е македонски народен херој
(Фото) 118 години од смртта на Гоце Делчев: На која жена и го подарил срцето
Бугарскиот амбасадор положи венец на гробот на „бугарскиот“ револуционер Гоце Делчев
Фото: Влада/видео: mungos80/You tube