Српскиот претседател Александар Вучиќ денеска оствари средба со рускиот претседател Владимир Путин во Кремлин.
Вучиќ изјави дека на средбата главна тема на разговор била кризата на Косово, како и политичките текови во регионот и светот, но и дека се разговорало за понатамошна економска соработка во железничкиот сектор, како и околу гасоводот Турски тек, пренесоа српските медиуми.
Тој додаде дека во детали го запознал Путин со состојбата на Косово, какви се желбите на светските играчи и каква е улогата на Русија и каква поддршка очекува Србија.
„Наидовме на разбирање, на искрен и пријателски став на Путин и Русија кон српскиот народ и Србија“, изјави Вучиќ.
Тој додаде дека разговарале и за конкретни чекори, но дека не може да открива детали.
„Србија нема никакви аспирации, никакви намери и никаква желба да биде дел од НАТО. Србија сака да ја чува својата неутралност и затоа работиме на зајакнување на нашата армија за да можеме да превенираме секаков можен напад и агресија врз нашата земја“, изјави Вучиќ.
Вучич приехал к Путину за поддержкой: В Кремле началась встреча президентов России и Сербии pic.twitter.com/8e3ojsBQRq
— Дмитрий Смирнов (@dimsmirnov175) October 2, 2018
Фото/Видео: Русија24