Полицијата ги контролира пристапите до црквата Свети Спас, во рамки на засилените безбедносни мерки пред утрешното одбележување 151 година од раѓањето на македонскиот револуционер Гоце Делчев.
Целосно се затворени за сообраќај улиците „Самоилова“ и другите сообраќајници околу скопското Кале.
Полициски сили се распоредени во поширокиот реон околу цркавата Свети Спас и по целата должина на улиците кои водат до неа. Пристап имаат само лица со дозволи.
Посебни безбедносни мерки ќе има и утре кога се очекува на гробот на Гоце Делчев да се поклонат државни делегации предводени од претседателот Стево Пендаровски и премиерот Димитар Ковачевски, како и претставници на повеќе други институции и политички партии.
Во црквата Свети Спас ќе им биде дозволен пристап само на најавените делегации. Сите други делегации и граѓани кои не се најавени нема да можат да положат цвеќе за време на државната свеченост.
ПОВРЗАНИ ВЕСТИ
Гоце Делчев сигурно се превртува во гробот од тоа што му се подготвува за роденденот
На новинарите им е забранет пристапот до црквата Свети Спас, ЗНМ со остра реакција
Бугарската декларација ги преувеличува работите и не соодветствува на реалноста, вели Ковачевски
МИА/Фото: Кабинет на претседателот