Во Фондот за пензиско и инвалидско осигурување лани потрошиле 1,8 милиони денари по фактури на кои не е наведена намената за која се направени усгостителските услуги, бројот на корисници на репрезентација, оправданоста на настанатите трошоци, како и дали тие се однесуваат на вршење на дејноста на Фондот, утврдиле во Државниот завод за ревизија по контролата на работењето на ПИОМ.
„Наведената состојба не е во согласност со законот за извршување на буџети со кој е уредено дека буџетските корисници имаат должност буџетските средства да ги користат наменски, рационално, економично и ефикасно“, се вели во извештајот на ДЗР.
Оттаму укажуваат дека покрај наведеното, за користење услуги за репрезентација( кои можат да се предвидат), не се спроведени соодветни постапки за јавни набавки.
Инаку, поради лошата финансиска состојба на ПИОМ секоја година од државнио буџет се префрлаат стотици милиони денари за да нема застој во редовната исплата на пензии.
ПОВРЗАНИ ВЕСТИ
ПИОМ пред колапс: Издатоците за пензии се зголемиле за 45% за шест години
ПИОМ исплатил 2,5 милиони евра пензии на починати лица: Со тужби бара да се вратат парите