Министерот за здравство, Венко Филипче денеска изјави дека единствената пациентка која што е позитивна на корона вирус е во добра општа здравствена состојба и се лекува на Клиниката за инфективни болести и фебрилни состојби во Скопје.
„Единствената пациентка којашто се лечи на инфективната клиника е во добра општа состојба. Веќе втор ден нема температура, претпоставувам дека многу скоро ќе почне и закрепнувањето.
Негативен е резултатот на возачот, којшто го управувал комбето, во коешто патувала пациентката која се лечи на инфективната клиника. Поради секоја можна варијанта тој и понатаму ќе остане во домашна изолација, во текот на следните денови, се до четиринаесеттиот ден, кога завршува периодот на инкубација, а потоа лекарите специјалисти, инфектолози, епидемиолози ќе одлучат дали и повторно ќе се тестира“, потенцираше министерот Филипче.
Филипче потенцираше дека се негативни резултатите и на пациентот кој вчера заедно со девојката побегнале од штипската болница.
„Исто така е негативен тестот на пациентот кој со симптоми се јавил преку виничкиот здравствен дом на инфективното одделение во штипската болница“, рече министерот Филипче и додаде дека утрово разговарал со конзулот, нема податоци дека има заболени наши државјани, ниту пак наши државјани кои се во карантин и кои живеат во регионот на Северна Италија.
Денеска се чекаат резултати од жена која се јавила утрово на Инфективна клиника со симптоми на респираторна инфекција. Истата е изолирана.
„Таа патувала во критичниот регион во Северна Италија. Во земјава се вратила на 26 февруари“, рече Филипче.
ПОВРЗАНИ ВЕСТИ
Имунитетот е најдобар сојузник во борбата против корона вирус, како да го подобрите
Пресметавме колкави се шансите секој од нас да заболи од корона вирус и каква е стапката на смртност
Како се лекуваат пациентите заразени со корона вирусот?
Како да се заштитите од корона вирусот: АПЕЛ за целосно почитување на превентивните мерки
На овие телефонски броеви може да се јавите при сомнителни симптоми на корона вирус