Њујорк тајмс ја потврди автентичноста на снимката објавена на Телеграм во понеделник, на која се гледа како Украинци убиваат руски заробеници.
Warning – Graphic.
Ukraine forces execute Russians. White armbands, hands tied (0:31)https://t.co/niSPvcL4SG— Gareth of Aranui (@GBoyd1982) April 5, 2022
Снимката прикажува како група украински војници убиваат заробени руски војници во село западно од Киев.
„Уште е жив. Сними ги окупаторите. Гледај, уште е жив. Едвај дише“, зборува маж додека на снимката се гледа руски војник со јакна навлечена преку главата. Русинот, по сè изгледа, е ранет, но сè уште дише.
Војникот тогаш пука во мажот, кој продолжува да мрда, а војникот тогаш повторно пука во него. Мажот престанува да мрда.
Покрај жртвата може да се видат уште тројца руски војници, од кои едниот има рана на главата, а рацете му се врзани зад грбот. Сите носат униформи, а тројцата имаат бела трака на ракавот која по правило ја носат руските сили во Украина. Околу нив има расфрлана опрема, а на главата на руските војници се гледаат дамки од крв.
Мажите лежат на пат во близина на оклопен транспортер БМД-2, какви што користат руските десантни сили. Подолу по патот може да се видат други уништени возила.
Снимката е направена на пат северно од селото Димитровка, десетина километри југозападно од Буча.
Фото: Украинско министерство за одбрана/видео: Телеграм/Твитер