Премиерот Зоран Заев во емисијата „200“ на телевизија Алсат М, на прашањето на уредникот на емисијата, новинарот Назим Раиди, дали е подготвен прв симболично да земе повеќејазичен пасош (македонски, албански, англиски…) со новото име – Репубилика Северна Македонија, одговори потврдно, но рече дека за тоа досега немал размислувано.
„Јас често кажувам и мои чести примери. Можеби ќе бидам првиот Македонец кој ќе земе нов пасош со новото име Република Северна Македонија. Јас прв реков: „Да живее Република Северна Македонија“. Тоа е редот. Јас треба да го отворам тоа. Не му е лесно на нашиот народ, зошто предизвикуваше одредени тегоби оваа прашање, но дава голема надеж и отвара перспектива“, истакна Заев.
Фото: Влада
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.