Ленче Јованова е жената која на пешачки во Скопје ја усмрти багер, соопштија од Македонското археолошко научно друштво.
ПОВРЗАНИ ВЕСТИ
Багер во центарот на Скопје удрил во 66-годишна жена која починала на лице место
-Ленче Јованова беше долгогодишен член на Македонското археолошко друштво и кустос советник во Музеј на град Скопје.
Таа остави длабок и неизбришлив траг во македонската археологија истражувајќи ги културните хоризонти на античкиот град Скупи.
Нејзиниот интерес беше насочен кон проучување на римската материјална култура.
Автор е на бројни изложби, каталози, статии, студии, а особено се значајни монографиските изданија Скупи – Colonia Flavia Scupinorum; Скупи – некрополи: стории за истакнати личности според епиграфски и археолошки сведоштва; Скупи: сектор југоисточен бедем и комплекс терма – базилика со атриум.
Ленче Јованова засекогаш ќе остане во нашите сеќавања како врвен и искусен професионалец кој со огромна посветеност го промовираше македонското културно наследство во земјава и светот, соопштија од таму.
ПОВРЗАНИ ВЕСТИ
Обвинителство отвори истрага за багеристот кој усмрти жена на пешачки во Скопје
Фото: Македонско археолошко научно друштво