Министерот за здравство Арбен Таравари денеска информираше дека остануваат уште 100 повредени од пожарот во Кочани, кои се лекуваат во домашните и странските болници.
Осумдесет повредени се лекуваат надвор од државата, а двајца се враќаат денеска.
Еден од четворицата повредени кои беа во критична состојба, е во подобрена состојба.
„Еден од критичните пациенти е многу подобар. Кај некои од пациентите има флуктуација во здравствената состојба“, посочи Таравари.
Министерот изјави дека очекуваат враќање на повеќе пациенти од странските болници во текот на неделата.
Денеска пак, се враќаат двајца пациенти – од болниците во Полска и Шведска.
За потешките пациенти на кои ќе им биде потребна рехабилитација, истакна дека има неколку опции „8-ми Септември“ во Ковид центарот, Центарот за рехабилитација во Козле, но има и понуди за подолгорочна рехабилитација надвор од држвата без трошоци од државата.
Фото: МЗ