Инцидентот со македонското знаме на средбата на македонската претседателка Гордана Сиљановска Давкова со нејзиниот бугарски колега Румен Радев во Софија, Бугарија, со денови ја бранува јавноста во Македонија, а претседателката во интервју за телевизијата Сител даде свое објаснување што всушност се случило.
ПОВРЗАНИ ВЕСТИ
Зошто го нема македонското знаме на средбите на Сиљановска Давкова и Љутков во Бугарија?
Таа кажа дека видела оти го нема знамето, и мислела да си замине, но со тоа ќе направела скандал.
„Јас не знаев дека ќе треба да се сликам и во просторот каде што се одржуваат фотосесиите. Кога тргнавме ние, мислев дека ќе одиме во просторија за разговор, одеднаш кога влегов во просторијата ги видов двете знамиња и требаше да размислувам што да направам.
Во тој момент едната мисла беше дека можам да си заминам и тогаш ќе направев скандал, а другата беше дека домаќинот ги утврдил правилата и дека домаќинот, а не јас греши и дека што е подобро си велам“, кажа Сиљановска Давкова, која подвлече дека ако си заминела, посета немало да има, но и ќе имало нова сенка.
ПОВРЗАНИ ВЕСТИ
Бугарскиот амбасадор одбил да ја прими протестната нота
„Во тој момент, и покрај тоа што не знам што ми се случува во организмот, решив дека е подобро сепак да не правам скандал, значи не го направив јас скандалот и гафот, туку домаќинот веројатно направил превид или што јас очекував?
Јас очекував претходно да ми каже некој дека ќе има снимање за да можам јас да одговорам“, рече таа.
ПОВРЗАНИ ВЕСТИ
Протесната нота на бугарскиот амбасадор ќе му биде доставена по дипломатски пат
Фото: Кабинет на претседателката