По укажувањето за бројни партиски вработувања во Друштвото во државна сопственост, Македонска навигација (М-НАВ), во неколку наврати, каде вчера имаше и напад на вработени во Контролата на летање, од страна на вработен во Друштвото и непознати лица, Владата за следната седница на 9. јануари најави разрешување на раководството и ревизија за досегашното работење.
ПОВРЗАНИ ВЕСТИ
МВР потврди дека се нападнати тројца вработени во М-НАВ, ги нападнале вработен таму и непознати лица
Нападнати вработени во објектот на Контрола на летање
-На иницијатива на премиерот Димитар Ковачевски, во консултација со министерката за одбрана Славјанка Петровска и министерот за транспорт и врски, Благој Бочварски, а согласно состојбите во М-НАВ, на следната седница на Владата, закажана за вторник, 09.01.2024 година, за решение на постоечката ситуација ќе бидат предложени и донесени неколку одлуки – целото раководство и сите членови на Управниот одбор да бидат разрешени, да се отвори итна постапка за избор на нови членови на раководство и Управниот одбор во јавен, транспарентен и законски пропишан процес, стои во соопштението.
Од Владата велат и дека Ковачевски ќе го повика Јавното обвинителство, Антикорупциската комисија, Државниот завод за ревизија, Финансиската полиција и меѓународните тела за контрола на авио- сообраќај да направат целосна ревизија на досегашното работење на М-НАВ.
ПОВРЗАНИ ВЕСТИ