Итно е потребна вашата помош за да спасиме срце на 5-месечното бебе Аника од Скопје кое уште од самото раѓање се соочува со здравствени проблеми како резултат на вентрикуларен септален дефект. Вашата донација, колку и да е мала, може да и биде шанса за живот!
„Вентрикуларниот септален дефект е вродена срцева мана каде доаѓа до мешање на крвта во коморите на срцето и симптомите за жал најчесто се појавуваат во почетните месеци од животот што е и случај кај малата Аника.
Бледилото, бавниот раст, лесното заморување, забрзаното дишење се само еден мал дел од симптомите со кои се соочува малата Аника, а за среќа се решливи со оперативен зафат кој родителите на Аника не се во можност да го подмират и истиот треба да се изведе на клиника во Бугарија.
Оваа интервенција гарантира нормализирање на состојбата, целосно стабилизирање на состојбата и нов нормален живот за малата Аника,“ се вели во апелот на ecrowd.mk.