На неизвршните членови на Одборот на директори на Тетекс АД Тетово за 2024 година им е исплатен месечен паушал од 20.000 денари нето за десет месеци и месечен паушал од 30.000 денари нето за два месеци, стои во годишниот извештај за работењето лани на Друштвото, објавен преку Македонската берза.
На претседателот на Одборот на директори му биле исплатени 30.000 денари нето за десет месеци и месечен паушал од 45.000 денари нето за два месеци.
-На извршните директори за 2024 година месечните плати им се исплатени согласно нивните менаџерски договори, а на главниот извршен директор Бобан Гоговски му е исплатена награда во бруто износ од 5% од остварена добивка во 2023 година, по основ на менаџерскиот договор и донесена одлука на Собрание на акционери, стои во извештајот.
Гоговски е претседател и на Надзорниот одбор (НО) на ТТК Банка АД Скопје и член на Одбор на директори на Централниот депозитар за хартии од вредност, Стеван Томоски (неизвршен член во Тетекс) е член на Одборпт на директори на акционерското друштво Осигурителна полиса, а Евгенија Трпкоска (неизвршен член во Тетекс) е член на НО на ТТК Банка.
Освен нив во Одборот на директори се и Борислав Трповски, Павлинка Трповска, која е извршен директор, Звонимир Ристоски, кој е неизвршен независен член и Душко Мишески, кој е неизвршен независен член.
ПОВРЗАНИ ВЕСТИ
Тетекс ќе дели дивиденда од 55,56 денари бруто по акција