Членови на нуркачкиот клуб „Амфора„ викендов нуркаа на 2.218 метри надморска висина на Големо езеро Пелистер на Пелистер, информираат од клубот на нивната Фејсбук страна.
“На 27.10.2019 (недела) нуркавме на Големо Езеро Пелистер, Пелистер. Големото езеро спаѓа во леднични езера. Во најголем водостој е долго 233 метри, широко 196 метри, а најголемата длабочина изнесува 14.5 метри.
Иако видливоста беше ограничена поради планктон, под вода можат да се забележат воени ашовчиња, гранати, рачни бомби, цевки од пушки и пастрмки кои преживуваат и во најекстремни услови кога езерото замрзнува. За ова нуркање е потребен специфичен профил кој го изработи Jovan Sekuloski SSI AI Trainer.
Во одлична организација на Планинарскиот дом Димитар Илиевски-Мурато и Национален парк Пелистер National park Pelister експедицијата се реализира успешно“, велат од нуркачкиот клуб „Амфора„.
Фото: Фејсбук/Амфора