Судијата Сали Мурати денеска беше избран за нов претседател на Уставниот суд на Република Северна Македонија.
Тој доаѓа на местото на досегашниот претседател Никола Ивановски, на кој на 1. ноември годинава му завршува мандатот.
Кој е Мурати?
Според неговата официјална биографија, Сали Мурати е роден во октомври 1966 година во с.Врапчиште, Гостивар.
Дипломирал на Правниот факултет при Белградскиот Универзитет во Белград во 1991 година, а правосудниот испит го положил во 2005 година.
Од 1993 до 2005 година работел во Бирото за правни и економски услуги – Гостивар како дипломиран правник.
Од 2005-2012 година работел како адвокат во Гостивар.
Од дипломирањето до сега активно се занимавал со правната проблематика од областа на уставното право, правата на заедниците, слобода на мисла и вероисповест и меѓународно приватно право.
Има објавено многубројни статии од правна проблематика во разни весници во државата и надвор од неа. Учествувал во над 15 меѓународни конференции со правна содржина во разни земји во странство. Особено работел на проблемите на немнозинските заедници во земјава.
ПОВРЗАНИ ВЕСТИ
Судијата Сали Мурати избран за нов претседател на Уставниот суд
Фото: Уставен суд