Во услови кога газдите на текстилните фабрики бараат осум ипол часовно работно време, речиси е непоимливо македонските компании да го фатат трендот со светските, кои се почесто размислуваат и тестираат скратена работна недела.
Тоа веќе се случува во Шведска, а тестирањето на скратена работна недела се покажало одлично и кај „Мајкрософт“. Работниците биле за 40 проценти попордуктивни од претходно.
Единствена компанија во Македонија која ќе ја скрати работната недела на 4 дена во неделата е „P world“, (Пи Ворлд), ПР компанија која се занимава со организација на бројни настани како кај нас, така и во светот.
Нејзиниот основач Коста Петров информираше дека оваа промена ќе стартува од 1 декември.
„Следејќи ги светските трендови, од декември воведуваме четиридневна работна недела. Во Пи Ворлд, четврток е новиот петок“, информираше Петров.