„Пуцко петрол“ предлага на престојното Собрание на акционери на „Окта“ закажано за 2 јуни, годинава да се донесе одлука за нов член на Одборот на директори на рафинеријата да биде избран „Пуцко петрол“ односно претставник од оваа компанија.
Оттаму предлогот објавен преку Македонската берза го базираат на Законот за трговски друштва според кој акционер кој поседува над 5 отсто од акциите има право по писмен пат да поднесе предлог-одуки за секоја од точките на дневниот ред.
Од „Пуцко петрол“ наведуваат дека се сопственици на 91.965 обични акции од „Окта“, што е 10,87 отсто од вкупниот број акции.
Во предлог одлуката се наведува дека веднаш по изборот, „Пуцко петрол“ ќе делегира кандидат кој ќе членува во Одборот на директори на „Окта“.
ПОВРЗАНИ ВЕСТИ
Големи промени во Одборот на директори на „Окта“
„Пуцко петрол“ го доби тендерот на „Водовод и канализација“ за набавка на горива вреден 402.000 евра
Кој е Исмаил Јахоски, чија компанија „Пуцко петрол“ „растура“ на тендери
Награда од 1.000 евра месечно за неизвршните членови на Одборот на директори на „Окта“