(Фото) Филипче се сретна со семејството Диневи: Дарувањето на органи е највисокиот чин на човекољубие и хуманост

Министерот за здрство Венко Филипче на неговиот фејсбук-профил информираше дека утрово се сретнал со семејството на Емилија Динева и градоначалникот на општина Дојран, Анго Ангов.

„На семејството им изразив најголема почит и благодарност за хуманоста која ја покажаа во нивните најтешки моменти. Тие дадоа надеж и шанса за живот на три семејства. Тие спасија три човечки животи.

Поради нив, за првпат во земјава се изведе трансплантација на срце, а два бубрега се трансплантираа кај двајца пациенти кои подолго време беа на дијализа.

Пациентите се во добра и стабилна здравствена состојба. Органодарителството е највисокиот чин на човекољубие и хуманост. Горд сум на ова семејство,“ напиша Филипче.

ПОВРЗАНИ ВЕСТИ

(Фото) Емилија Динева е жената која почина во сообраќајка, а семејството ги донираше нејзиното срце и бубрези

Првата трансплантација на срце во Македонија успешна, огромен успех за македонското здравство

Сите сме донори на органи доколку не се изјасниме спротивно на нотар, но семејството го има последниот збор

Фото: Фејсбук/Филипче