Иако ниту една друга политичка партија, ни од албанскиот, ни од македонскиот блок не застана зад идејата на ДУИ за Албанец за премиер, ниту пак таа доби подршка од пошироката јавност, ДУИ не се откажува.
Во Скопје осамна и билборд на кој се најдоа лидерите на СДСМ и ВМРО-ДПМНЕ, Зоран Заев и Христијан Мицкоски, а меѓу нив стои празна фигура, со натпис: „Три опции – кој ќе биде идниот премиер?“.
Преставници на партијата пак порачуваат: „дека завршил македонскиот монопол врз моќта“ и дека ДУИ го направила Заев премиер.
Информациите предизвикаа лавина од негативни реакции на социјалните мрежи, а еве дел од твитовите:
Кога албанските политичари ќе мислат на било кој друг, освен на албанците (мада прашање е колку мислат), односни на македонците, србите, ромите, турците итн, тогаш мислам дека и општеството ќе ја прифати идејата за премиер албанец.
— Др Арсланагић (@ArslaJeMeniBog) June 12, 2020
Да се игра на карта на национализам во 21 век е многу застарено и сељачки. Граѓаните, секој во свој домет, согласно изложеноста и комуникациите си имаат прифатено разноврсно општество. Зошто тогаш има албански и македонски партии? Зошто партиите не се мешани?
— Ибе Паликуќа (@Ibe_Palikukja) June 12, 2020
Единствената трета опција што би ги кренала ДУИ од мртвите. Плус, многу боље пее од Али Ахмети. pic.twitter.com/xUAfVr3J6Y
— Seir MK (@Seir_mk) June 12, 2020
Каков манипулатор е Бујар Османи! Како ние да не знаеме како се составува влада кога една партија нема мнозинство, како македонската влада да е прва таква во светот.
Срамно и недолично однесување на човек кој сака да остане политичар и као, да служи на народот. 😡😵 pic.twitter.com/BWqP5WruQj— Cosmopolitan (@alikiaj) June 12, 2020