Бојан Јовановски – Боки 13, кој е осуден во предметот „Рекет“, денеска повторно ќе биде спроведен во Основното јавно обвинителство Скопје за да заврши со поднесувањето кривични пријави на записник.
Јовановски на 25 јуни беше во Обвинителството, но тогаш не завршил со поднесувањето на пријавите и записникот останал отворен, по што му закажале нов термин за денеска.
Адвокатот на Јовановски, Сашко Дуковски минатата недела изјави дека пријавите се за функционери од државните институции, но и за лица надвор од нив.
Притоа, посочи дека кривичните пријави се за дела злоупотреба на службената положба и овластувања, изнуда, измама, давање лажен исказ, несовесно лекување, тортура …
Јовановски во случајот „Рекет“ беше осуден на девет години затвор, а поранешната специјална обвинителка Катица Јанева доби седум години затвор.
МИА/Фото: МИА
ПОВРЗАНИ ВЕСТИ
Ременски, Боки 13, Мандиќ на суд: Почнува судењето за случајот „Меѓународен сојуз“
Боки 13 поднесе пријави против актуелни и поранешни функционери
Ќе има ли епилог за „Империја“ по затворските казни за Јанева и Боки 13?