Министерството за здравство по распишаниот тендер за набавка на монтажни контејнери за потребите на здравствениот систем и согласно планот за справување со состојбата од настаната епидемија, а во согласност со Извадок од Нацрт-записникот од 36. седница на Владата одржана на 6 април 2020 година склучи договор со друштво за производство, трговија и услуги „БРАКО“ ДОО увоз-извоз Велес, објави Бирото за јавни набавки.
Вредноста на склучениот договор со вклучен ДДВ е 8.748.000 денари или околу 142.000 евра.
„Станува збор за стар проект од април кој е изработен и предаден и функционира-монтажната болница до Инфективната клиника во Скопје, која е изработена за само 14 дена, иако рокот за изведба беше 21 ден.
Болницата е донација и поради вонредната состојба, водени од солидарност менаџментот на БРАКО се откажа од заработката„, велат од компанијата БРАКО.