Масовната вакцинација против Ковид-19 во земјите-членки на Европската Унија почна денеска откако вчера првите дози од вакцините на „Фајзер“ против Ковид-19 беа доставени до сите земји на ЕУ.
Согласно плановите за вакцинација што одделно ги објавуваа земјите-членки, прво ќе се вакцинираат приоритетните групи, меѓу кои медицинските лица, луѓето во домовите за стари лица и хронично болните.
Инаку, медиумите пренесоа дека Унгарија, Германија, Словачка, Франција и Шпанија уште вчера ги дале првите дози и не се придржувале до договорениот синхронизиран старт на вакцинацијата во ЕУ закажан за денеска.
ЕУ набави вакцини за 450 милиони граѓани и се очекува по вакцинацијата да спласне ширењето на заразата од Ковид-19.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.