Полицијата трага по 60-годишната жена од селото Челопек, кај Старо Нагоричане, за која нејзиниот сопруг тврди дека е исчезната, а се претпоставува дека изгорела во нивната куќа.
Денеска рачно и со механизација се пребаруваше и нивната целосно изгорена куќа, но остатоци од тело не се пронајдени.
Официјална потврда дека таа е првата жртва на пожарите во Македонија нема.
Директорот на Центарот за управување со кризи, Стојанче Ангелов денеска на прес – конференција изрази сочувство за жената од Челопек.
– Најпрвин сакам да изразам сочувство на човекот кој вчера ја загуби сопругата, тажно е тоа што се случи во кумановско Челопек. Еден живот е загубен, тоа е она што неколку дена го зборуваме, на прво место безбедноста на луѓето, рече Ангелов.
Фото: Телма