Австрискиот канцелар Себастијан Курц поднесе оставка, откако беше обвинет дека е вмешан во корупциски скандал, а неговото место ќе го презеде министерот за надворешни работи, Александар Шаленберг.
На прес-конференцијата синоќа, најави дека „неговата оставка е привремена и дека планира да се врати на функцијата кога обвинувањата на Обвинителството ќе се покажат како неосновани.“
„Се повлекувам за да спречам хаос и за да се реши ситуацијата во која се најде коалицијата. Мојата земја ми е поважна од мене“, рече Курц.
Полицијата на 6 октомври влезе во канцеларијата на Курц и изврши претрес. Тој, деветмина негови соработници, како и три организации се под истрага на Обвинителството за борба против економски криминал, под сомнение дека јавни пари биле искористени за истражување што работата на австрискиот канцелар ја прикажува во подобро светло.
Фото: Фејсбук/Курц