Европската радиодифузна унија која го организира натпреварот „Евровизија“ денеска донесе одлука да ја исфрли Русија поради инвазијата на Украина.
„Европската радиодифузна унија (ЕБУ) објавува дека ниеден руски изведувач нема да учествува на годинашниот натпревар за песна на Евровизија. Извршниот одбор на ЕБУ донесе одлука врз основа на правилата и вредностите на ЕБУ.
Препораката на Референтната група поддржана е и од телевизискиот одбор на ЕБУ. Одлуката е израз на загриженост дека во услови на криза во Украина, вклучувањето на Русија ќе го донесе ова натпреварување на лош глас“, стои во известувањето од организаторите.
Тие велат дека остануваат посветени на заштитата на вредностите на културниот натпревар кој промовира меѓународна размена и разбирање.
Statement from @EBU_HQ regarding Russia’s participation in the Eurovision Song Contest 2022.https://t.co/HmKJdqVE4J pic.twitter.com/tVH6yFxzbq
— Eurovision Song Contest (@Eurovision) February 25, 2022
Фото: Твитер/Евровизија