Обвинителот на Меѓународниот кривичен суд (МКС) синоќа соопшти дека отворил истрага за можни воени злосторства во Украина, по барање на голем број земји-членки на Трибуналот.
– Почнува активна истрага на барање на 39 земји-членки на судот. При прелиминарното испитување на ситуацијата во Украина, мојата канцеларија најде основано сомневање дека таму се извршени кривични дела за кои е надлежен овој суд.
Обвинителството сега ќе почне со собирање докази за наводите за воени злосторства, злосторства против човештвото или геноцид на кој било дел од украинската територија против кое било лице, изјави главниот обвинител Карим Кан.
Украина е членка на МКС од 2014 година, по руската анексија на Крим, додека Русија не ја признава неговата јурисдикција.
ПОВРЗАНИ ВЕСТИ
(Видео) На протест против војната во Русија уапсена и 77-годишна активистка
(Видео) Украинците со голи раце ги сопираат руските возила: Снимки кои го обиколија светот
МИА/Фото: Руско министерство за одбрана